لسلام عليكم
اولا انا مش عاوزة ازوق كلامي ولا انسقو عاوزة اكتب اللي في قلبي سعات كتير بنسق الكلام واحب احطو في صفحات المنتدة باكتشف انو نفاق بنافق روحي قبل ما انافق اللي بيشوف الموضوع قررت اقول الصراحة
اللي انا شيفاه
ليه كل واحد فينا خلصت حكيتو كل اللي قلب صفحة من حياته يجي يكتب بسطور الم وحزن وكان العالم انته معدش في حاجة حلوة بعد الحبيب
ليه مبنفكرش ان ممكن انت او انتي الكسبانة عشان انتهت الحكاية
ممكن طلعتي بقال خساير ممكنة
ليه منفكرش ان احنا كسبنا وقت اكتر عالاقل مش هنعيش في الوهم تاني
ليه منحولش نبتدي من جديدي بدل اللطم اللي بشوفه في كل المواضيع لا وايه الردود بتبق اكتر سواد من الموضوع
محدش يزعل مني
احنا عاوزين نزرع امل عاوزين الناس تنس
عاوزين نبص قدام ونقلب صفحة من الماضي اللي اكيد لو كل واحد فكر كويس هيلاقي انو كسب نفسو ووقتو
صدقوني كل ما تحسو انكم نسيتو هتعرفو انكم انتصرتو
عمر الدنيا ما بتخلص او تقف عشان اتنين سابو بعض
في الاخر
اوع حد من الاعضاء يفكر ان الوردة السوداء جامده بتقدر تنس ومحدش يهدها
لا
انا حاسة بكل واحد كتب حرق بالم
حاسة بكل جملة عبرت عن خيانة او غدر وضلم
بس برضو
هانش وهابص قدام وهلاقي اللي يستاهل يمكن بعد سنين ممكن مش هلاقي ابدا بس كسبت حاجة
وقتي وعرفت بدري قبل ما اضيع حجات تانية اني لازم انسحب وابتدي من جديد
حتى لو كنت وردة سوداء
مسير الشتاء يخلص والربيع هيجي هيجي
اسفة اني اتحملت كتير وكلامي كان عصبي
بس كتير اوي الكلام الصريح بيبق مريح
تحياتي