تسال عن ديار الوطن في حينها اشواق وحنين
تلهث وراء رد الجواب اللي يعرف اخبارهـا
هاذي حكاية طفلـة مشوارهـا دمـع وانيـن
عاشت يتيمة وحدها ذاقـت سمـوم اقدارهـا
مات الامل في عينها0وجروحهـا قامـت تبيـن
تشكي من الحظ الردي ليه الزمـان اختارهـا
صرخة غريب بقلبهـا وبعينهـا نظـرة حزيـن
وشمس الامل في دربها باتت تجـب انوارهـا
راحت تـدور لقمـة تطعـم بهـا ام وجنيـن
وترجع بلاجدوي تقول خط الزمـان اسطورهـا
في جوفها نخوة عرب يجمع بهـم اسـم ثميـن
درب الشجاعة والوفا شادوا جميـع عصورهـا
ربع فعايلهم رست وبنـوا لهـا مجـد وعريـن
وحب الكرامة والوفا اصبح عنـود اشعارهـا
راد الزمن افقدرتة واصدر بنا حكـم لعيـن
حكم القدر ياصاحبي لـف السنيـن ودارهـا
حصة طوت في جوفها جـرح تبادلـة السنيـن
تنقش علي كف القدر قصـة الـم مشوارهـا